REGISTRES DU BUREAU

[l5₇2]

LXXXIII. — Idem. — [Mandemens aux Cappitaines des trois Nombres de la Ville.]

21 novembre 1572. (Fol. 3i v°.)

Depar les Prevost des Marchans et Eschevins de la Ville de Paris.

" Cappitaine des arbalestriers de lad. Ville, trouvez vous dimanche prochain, huict heures du matin, avec tous ceulx de vostre nombre, à cheval, en l'Hos-

tel d'icelle Ville, pour nous accompaigner à l'effect que dessus."

Pareil Mandement au Capitaine des archers. Mesme Mandement au Capitaine des harquebusiers.

LXXXIV. — [E ntrée du] Legat.

23 novembre 1572. (Fol. 3i v°.)

Suyvant lesquelz Mandemens, mesdictz sieurs les Prevost des Marchans, Eschevins, Procureur et Greffier de lad. Ville, vestuz de leurs robbes my parties, asscavoir: led. sieur Prevost des Marchans, en robbe de satin; et lesd. s^rs Eschevins et Greffier, de drap, et d'escarlatte; et lesdictz s^r Procureur du Roy et de la Ville, robbe d'escarlatte; Conseillers, Quarteniers, huict notables Bourgeois de chascun qurtier, et gardes desd. Marchandises, vestuz de leurs bons habitz;

Ledict jour de dimenche, xxm^c jour desd, mois et an, estans à cheval, envyron deux heures de relevée partirent de l'Hostel de cested. Ville, marchant devant eulx aussy à cheval les archers, harquebousiers, arbalestriers, vestuz de leurs hocquetons de livrée, et les sergens de lad. Ville vestuz de leurs robbes aussy my parties; et allerent descendre au prieuré de Sainct Jacques du Hault Pas, où ilz trouverent led. s^r Legal en la maison dud. prieuré, en une chambre haulte d'icelle maison, accompaigné de plusieurs evesques, son dattaire et m⁰ des ceremonies.

Lequel sieur Prevost des Marchans, accompaigné comme dessus desd, sieurs Eschevins, Procureur, Greffier, Conseillers, Quarteniers et Bourgeois de lad. Ville, le salua au nom d'icelle Ville, et luy feist harangue latine pour le congratuler de sa venue et arrivée; auquel sieur Prevost ledict sieur Legat feist aussy response latine.

Ce faict, sortit led. Prevost avec toute sa com-

paignée, hors lad. chambre et prieuré S'Jacques, et commença à marcher avec icelle compaignée et trouppe et se achemyner en l'eglise Nostre Dame, comme toilles les autres Compaignies et Corps d'icelle Ville feisrent chacun en leur ordre et rang. Et quant à l'ordre dudict Corps de lad. Ville marchèrent en l'ordre qui s'ensuict :

Premierement, marcheoient les trois Compaignées des archers, arbalestriers et harquebuziers, les sergens de lad. Ville les suivans;

Messieurs les Prevost et Eschevins, Procureur, Greffier, Conseillers, Quarteniers et Bourgeois;

Les Officiers domesticques du s^r Legat;

Plusieurs Evesques;

Led. S^r Legat, qui fut mis dessoubz le ciel à luy préparé par lad. Ville, et lequel l'atendoyt à la porte S' Jacques où led. ciel fut prins ct porté par lesd, gardes des Marchandises par les lieulx, selon qu'il est contenu par les Mandemens devant transcript^ W ;

Suyvant la Court de Parlement et autres Courtz souveraines.

Et en cest ordre allerent en l'Eglise de Paris, où fut chanté le Te Deum en la maniere accoustumée; puis se retirèrent.

Et led. jour, mesdictz sieurs les Prevost des Marchans et Eschevins, envoyèrent aud. S^r Legat les presens d'ypocras, confitures et espices accoustumez en la maison de Mons' l'Evesque de Paris'"²', où estoit logé led. sieur Legat.

'■' En l'article ci-dessus LXXX.

<*> -La maison de Mons' l'Evesque de Paris). : Le palais épiscopal était, comme on sait, attenant à la cathédrale. (Voir le Volume IV des Regis tres, page i46, note «évêque de Paris».)"